Umsóknir fyrir skólaárið 2010-2011
Íþrótta- og tómstundasvið Reykjavíkur (ÍTR) rekur frístundaheimili við grunnskóla 
Reykjavíkurborgar. Frístundaheimilin eru fyrir börn í 1. – 4. bekk og eru opin frá því að skóladegi lýkur til kl. 17:15. Sótt er um dvöl á frístundaheimili skólaárið 2010-2011 á rafrænu formi á vefslóðinni www.reykjavik.is
Hægt verður að sækja um frá og með 8. febrúar næstkomandi.
Áður en sótt er um dvöl í frístundaheimili þurfa börnin að vera skráð rafrænt í viðkomandi skóla.
Börn sem eru að hefja skólagöngu haustið 2010 og sækja um dvöl á frístundaheimili hafa forgang um dvöl á frístundaheimilum ÍTR frá og með næsta hausti. Ennfremur njóta börn sem hafa sérstakar aðstæður forgangs, skv. vinnureglum sem ÍTR setur sér.
Þegar tekist hefur að manna stöður frístundaleiðbeinenda/ráðgjafa er fyrst hægt að tryggja öllum börnum dvöl á frístundaheimili.
Nánari upplýsingar um frístundaheimilin og gjaldskrá er hægt að finna hér í flokkunum "Gjaldskrá" og "Frístundaheimili".
Hægt er að nota frístundakort til greiðslu dvalargjalda á frístundaheimilum ÍTR.