Frístundamiðstöðin Ársels var stofnuð árið 2004. Frístundamiðstöðin er rekin af Íþrótta- og tómstundaráði Reykjavíkur. Vettvangur starfseminar er frítími allra íbúa, en megináherslan er lögð á barna- og unglingastarf. Mikil áhersla er lögð á að bjóða upp á fjölbreytt og áhugavert frístundastarf en Ársel hefur m.a. umsjón með þremur félagsmiðstöðvunum í hverfunum þremur, sex frístundaheimilum við alla grunnskóla í hverfunum. Í starfi frístundamiðstöðvarinnar er lögð áhersla á að þjóna öllum íbúum í hverfunum þremur, Árbæ, Grafarholti og Norðlingaholti.