Nú er síðasta vikan okkar fyrir sumarfrí hafin og spennandi dagar framundan hjá hinum síhressu Stjarnlendingum. Dagskrána má finna í borðanum hér til hægri og hvetjum við alla foreldra til að skoða hana vel og vandlega svo þeir geti öfundað okkur af öllu afli fram að helgi. ;)

 

Síðustu viku áttum við því miður í vandræðum með netið og gátum því hvorki sett neitt inn á síðuna né sent nokkrum manni tölvupóst, við biðjumst velvirðingar á því en reynum eftir bestu getu að bæta úr heimasíðunni í þessari viku.

 

Að lokum viljum við að gefnu tilefni minna foreldra á að senda börnin vel klædd og við öllu búin í Stjörnulandið góða. Veðrið getur breyst skyndilega hér á Fróni og höfum við brennt okkur örlítið á því í sumar. Gott er ef börnin eru með hlýja peysu og yfirhöfn með sér og gúmmístígvélin hafa oft reynst okkur þarfaþing í sumar. Jafnframt er æskilegt að börnin hafi þurra sokka í töskunni sinni til að grípa í ef blotnar í veðri, því engum finnst gott að vera kalt á tánum. :)

 

 

Segjum þetta gott núna, Stjarnlendingarnir okkar biðja að heilsa ykkur öllum!

 

Bless í bili,

 

Við minnum á að nálgast má dagskrár sumarfrístundar Stjörnulands hér á heimasíðunni. Dagskrárnar eru settar inn á mánudögum og fyrir eina viku í senn, þær má finna hér neðst hægra megin í flokknum Dagskrá sumarfrístundar.

 

 

 

Nú er dagbók sumarfrístundarinnar komin í gagnið hér á heimasíðunni okkar og hvetjum við alla til að lesa um það sem drífur á daga okkar hér í Stjörnulandi :) Dagbókina má finna undir flipa í borðanum hér til vinstri.